इलाम नगरपालिका–१० सिलपुरस्थित सडक खण्डमा कुखुराको दाना बोकेको एक मालवाहक ट्रक दुर्घटना भएको छ। आज बिहान करिब ०४:४० बजेको समयमा इटहरीबाट कुखुराको दाना बोकी फिदिमतर्फ जाँदै गरेको प्रदेश १–०४–००१ ख ००७२ नम्बरको एलपी ट्रक अचानक ब्रेक फेल भई दुर्घटनामा परेको हो।

प्रहरीका अनुसार ट्रक सडकको बायाँ साइडको नालामा पल्टिएको छ भने गाडीमा क्षति पुगेको छ। घटनामा कुनै मानवीय क्षति नभएको र सडक अवरोधसमेत नभएको प्रहरीले जनाएको छ। दुर्घटनाग्रस्त सवारी साधन घटनास्थलमै रहेको र उठाउने पहल भइरहेको प्रहरीले जानकारी दिएको छ।